مرثية في الشيخ صالح بن محمد بن صالح بن كلوت الراشدي الله يرحمه
للشاعر: عبدالله بن شغيله الراشدي
يا قلب خل الضحك خل التسلي
واسمع كلاما ثابتن من عياله
يتّابعون الدرب درب التعلي
و ﻻ فيهم الكذاب راعي الجهاله
قالو توفى صالح من دون حلي
والمستمع بالعلم وطاء حياله
وانا بموته غدا دمعي يهلي
وقد هل فرحه بخير و زين حاله
على دروب الطيب ما هو مزلي
وبالخير ما يذخر قروشه وماله
يقول للبسمه من الناس شلي
همن تزايد له ابغيله زواله
وانا يوم انه خبر موته وصلي
الكون بي ضيق جنوب وشماله
ما قول وقف قلبي اقول كلي
هذي علوما مهي مزح وهباله
بي ارفع الكفين وادعي لعلي
اضيف لأجره اجر واريح باله
الشيخ راع الطيب والشيخ ياللي
ﻻ زاد حمل الناس ع الظهر شاله
وجهه عيون الناس بشوفه يخلي
ترتاح ثم يرتاح من هو قباله
يعل البرد في قبر صالح يحلي
يا ربي ارحم صالح واقبل عماله
يا رب وسع قبره ثبته بالي
يدعون له يا رب ثبت سؤاله
وفي النهايه على طاها نصلي
وعلى الصحابه و على جمعه وآله